Taravalla Tagi Ninna Tamburi (ತರವಲ್ಲ ತಾಗಿ ನಿನ್ನ ತಂಬೂರಿ ಸ್ವರ )

Title: Taravalla Tagi Ninna Tamburi (ತರವಲ್ಲ ತಾಗಿ ನಿನ್ನ ತಂಬೂರಿ ಸ್ವರ )
Lyricist: Saint Shishunal Sharif (ಸಂತ ಶಿಶುನಾಳ ಶರೀಫ )
Listen to it here : ತರವಲ್ಲ ತಾಗಿ ನಿನ್ನ ತಂಬೂರಿ ಸ್ವರ

ತರವಲ್ಲ ತಗಿ ನಿನ್ನ ತಂಬೂರಿ ಸ್ವರ, ಬರದೇ ಬಾರಿಸದಿರು ತಂಬೂರಿ (೨) (ಪ )
ಸರಸ ಸಂಗೀತದ ಕುರುಹುಗಳರಿಯದೆ (೨)
ಬರಿದೇ ಬಾರಿಸದಿರೋ ತಂಬೂರಿ.

ಮದ್ದಲ್ಲಿ ದನಿಯೊಳು ತಂಬೂರಿ ಅದ, ತಿದ್ದಿ ನುಡಿಸಬೇಕೋ ತಂಬೂರಿ (೨)
ಸಿದ್ದ ಸಾಧಕರ ವಿದ್ಯೆಗೆ ಒದಗುವ (೨)
ಬುದ್ಧಿವಂತಕ್ಕೆ ತಕ್ಕ ತಂಬೂರಿ.

ತರವಲ್ಲ ತಗಿ ನಿನ್ನ........ (೧)

ಬಾಳಬಲ್ಲವರಿಗೆ ತಂಬೂರಿ ದೇವಾ, ಬಾಳಾಕ್ಷ ರಚಿಸಿದ ತಂಬೂರಿ (೨)
ಹೇಳಲಿ ಏನಿದರ ಹಂಚಿಕೆ ತಿಳಿಯದ (೨)
ತಾಳಗೇಡಿಗೆ ಸಲ್ಲ ತಂಬೂರಿ.

ತರವಲ್ಲ ತಗಿ ನಿನ್ನ........ (೧)

ಸತ್ಯ ಶರಧಿಯೊಳು ತಂಬೂರಿ ನಿತ್ಯ, ಉತ್ತಮರಾಡುವ ತಂಬೂರಿ,
ಬತ್ತೀಸರಾಗರದಾ ಬಗೆಯನರಿಯದ (೨)
ಕತ್ತಿಗಿನ್ಯಾತಕೆ ತಂಬೂರಿ.

ತರವಲ್ಲ ತಗಿ ನಿನ್ನ........ (೧)

ಹಸನಾದ ಮೇಳಕ್ಕೆ ತಂಬೂರಿ ಇದು, ಕುಶಲರಿಗೊಪ್ಪುವ ತಂಬೂರಿ (೨)
ಶಿಶುನಾಳಾಧೀಶನ ಓದುಪುರಾಣಾದಿ, ಹಸನಾಗಿ ಬಾರಿಸೋ ತಂಬೂರಿ.

ತರವಲ್ಲ ತಗಿ ನಿನ್ನ ತಂಬೂರಿ ಸ್ವರ, ಬರದೇ ಬಾರಿಸದಿರು ತಂಬೂರಿ (೨)

Mohada Hendati teerida balika (Kannada) ಮೋಹದ ಹೆಂಡತಿ ತೀರಿದ ಬಳಿಕ.

ಮೋಹದ ಹೆಂಡತಿ ತೀರಿದ ಬಳಿಕಾ


ಮೋಹದ ಹೆಂಡತಿ ತೀರಿದ ಬಳಿಕ
ಮಾವನ ಮನೆಯ ಹಂಗಿನ್ಯಾಕೋ || ಪ ||

ಸಾವು ನೋವಿಗೆ ಸಾರುವ ಬೀಗನ
ಮಾತಿನ ಹಂಗು ಎನಗ್ಯಾಕೋ ||ಅ.ಪ.||

ಖಂಡವನದಿ ಸೋಕಿ ತನ್ನ ಮೈಯೊಳು ತಾಕಿ
ಬಂಡೆದ್ದು ಹೋಗುವದು ಭಯವ್ಯಾಕೋ
ಮಂಡಲನಾಡಿಗೆ ಪಿಂಡದ ಗೂಡಿಗೆ
ಚಂಡಿತನದಿ ಚರಿಸ್ಯಾದುವುದ್ಯಾಕೋ || ೧ ||

ತಂದೆ ಗೋವಿಂದ ಗುರುವಿನ ಸೇವಕ
ಕುಂದಗೋಳಕೆ ಬಂದು ನಿಂತಾನ್ಯಾಕೋ
ಬಂಧುರ ಶಿಶುನಾಳಧೀಶನ ದಯದಿಂದ
ಇಂದಿಗೆ ವಿಷಯದ ವ್ಯಸನಗಳ್ಯಾಕೋ

ಸಾಹಿತ್ಯ -- ಶಿಶುನಾಳ ಶರೀಫ
ಸಂಗೀತ / ಗಾಯನ -- ಸಿ ಅಶ್ವಥ್

Sorutihudu Maneya Maligi - Kannada Lyrics

ಸೋರುತಿಹುದು ಮನೆಯ ಮಾಳಿಗಿ,
ಅಜ್ಞಾನದಿಂದ(೨) ಸೋರುತಿಹುದು ಮನೆಯ ಮಾಳಿಗಿ.

ಸೋರುತಿಹುದು ಮನೆಯ ಮಾಳಿಗಿ, ದಾರುಗಟ್ಟಿಮಾಳ್ಪರಿಲ್ಲ (೨)
ಕಾಳಕತ್ತಲೆಯೊಳಗೆ ನಾನು ಮೇಲಕೇರಿ ಹೋಗಲಾರೆ, ಸೋರುತಿಹುದು ಮನೆಯ....

ಮುರುಕು ತೊಲೆಯು, ಹುಳುಕು ಜಂತಿ, ಕೊರೆದುಸರಿದು ಕೀಲ ಸಡಲಿ (೨)
ಹರುಕು ಚಪ್ಪರ ಜೀರುಗುಂಡೇ, ಮೇಲಕೇರಿ ಹೋಗಲಾರೆ, ಸೋರುತಿಹುದು ಮನೆಯ...

ಕರಕೆ ಹುಲ್ಲು ಕಸವು ಹತ್ತಿ, ದುರಿತ ಭವದಿ ಇರುವೆ ಮುತ್ತಿ  (೨)
ಮಳೆಯ ಬರದಿ ತಿಳಿಯ ಮಣ್ಣು ಒಳಗು ಹೊರಗೂ ಏಕವಾಗಿ, ಸೋರುತಿಹುದು ಮನೆಯ...

ಕಾಂತೆ ಕೀಳೇ ತರುಣದಿಂದ ಬಂತುಕಾಣೆ ಹುಬ್ಬಿ ಮಳೆಯು (೨)
ಸಂತಶಿಶುವಿನಾಳ ಧೀಶಾ (೨) ನಿಂತುಪೊರೆವನು ಯಂದು ನಂಬಿದೆ, ಸೋರುತಿಹುದು ಮನೆಯ...

Ellaranthavanalla nana ganda - Kannada Lyrics (ಎಲ್ಲರಂಥವನಲ್ಲ ನನ ಗಂಡ)

Ellaranthavanalla nana ganda - Lyrics:

ಎಲ್ಲರಂಥವನಲ್ಲ ನನ ಗಂಡ , ಬಲ್ಲಿದನು ಪುಂಡ ಎಲ್ಲರಂಥವನಲ್ಲ ನನ ಗಂಡ.
ಎಲ್ಲರಂಥವನಲ್ಲ ಕೇಳೇ, ಸೊಲ್ಲು ಸೊಲ್ಲಿಗೆ ಬೈದು ನನ್ನ,
ಎಲ್ಲುಹೋಗದಹಾಂಗ ಮಾಡಿಟ್ಟ, ಕಾಲ್ಮುರಿದುಬಿಟ್ಟ, ಎಲ್ಲರಂಥವನಲ್ಲ ನನ ಗಂಡ.

ತುಂಟ ಸವತಿಯ ಸೊಂಟ ಮುರಿಹೊಡೆದ, ಒಣಪಂಟ ಮಾತಿನ ಗಂಟುಗಳ್ಳರ ಮನೆಗೆ ಬರಗೊಡದ
ಕುಂಟ ಕುರುಡಾ ರೆಂಟುಮಂದಿ, ಗಂಟುಬಿದ್ದರೆ ಅವರಕಾಣುತ,
ಗಂಟಲಕೆ-ಗಾಲಾದ ಮೇಲತ್ತ , ತಕ್ಕವನೇ ಸಿಕ್ಕಾ, ಎಲ್ಲರಂಥಹವನಲ್ಲ ನನ ಗಂಡ.
ಎಲ್ಲರಂಥವನಲ್ಲ ನನ ಗಂಡ , ಬಲ್ಲಿದನು ಪುಂಡ ಎಲ್ಲರಂಥವನಲ್ಲ ನನ ಗಂಡ.

ಅತ್ತೆಮಾವರ ಮನೆಯ ಬಿಡಿಸಿದನ, ಮತ್ತಲ್ಲಿ ಮೂವರ ಮಕ್ಕಳೈವರ ಮಮತೆ ಕೆಡಿಸಿದನೇ,
ಯತ್ತಾಹೋಗದೆ ಚಿತ್ತವದಲದೆ ಗೊತ್ತಿನಲ್ಲೇ ಇಟ್ಟು ನನ್ನನು,
ಮುತ್ತಿನಾ ಮೂಗುತಿಯ ಕೊಟ್ಟಾನೇ, ಅವನೇನು ದಿಟ್ಟನೆ, ಎಲ್ಲರಂಥಹವನಲ್ಲ ನನ ಗಂಡ.
ಎಲ್ಲರಂಥವನಲ್ಲ ನನ ಗಂಡ , ಬಲ್ಲಿದನು ಪುಂಡ ಎಲ್ಲರಂಥವನಲ್ಲ ನನ ಗಂಡ.

ಕಂತೆ ಕೇಳೇ ಕರುಣ ಗುಣದಿಂದ, ಎನಗಿಂಥ ಪುರುಷನು ಬಂದು ದೊರಕಿದ ಪುಣ್ಯ ಫಲದಿಂದ,
ಕಂತೆ ಬಾರೆಂತೆಂದು ಕರೆದೇ, ಕಂತಮಂದಿರದೋಳಕೆ ಒಯ್ದು,
ಭ್ರಾನ್ತಿಭವದುರಿತವನು ಹರಿಸಿದನೇ, ಶಿಶುನಾಳ ಧೀಶ, ಎಲ್ಲರಂಥಹವನಲ್ಲ ನನ ಗಂಡ.
ಎಲ್ಲರಂಥವನಲ್ಲ ನನ ಗಂಡ , ಬಲ್ಲಿದನು ಪುಂಡ ಎಲ್ಲರಂಥವನಲ್ಲ ನನ ಗಂಡ. ಎಲ್ಲರಂಥವನಲ್ಲ ನನ ಗಂಡ...